Бу үлэ 2019 сылтан Алтан нэһилиэгин общественник далбардара — Борисова Н.В., Дьячковская Р.Н. бачыымнарынан саҕаламмыта. 2022 сылга улуус баһылыга Архипов Николай Архипович өйүүрүн, сэҥээрэрин биллэрэн, «Баһылык гранын» олохтоон, 250000 харчыны анаабыта. Бу үбүлээһининэн үлэлиир, туһанар оборудование атыылаһылынна. Салгыы кини өйөөһүнүнэн бу общественнай үлэни улууспут таһымыгар таһаарарга мэктиэлээбитэ. Бу интэриэһинэй, дириҥ ис хоһоонноох үлэни салгыы бары нэһилиэктэри хабан, киэҥ далааһыннаахтык үлэлэтэр «Арассыыйа ийэлэрэ» Амматааҕы салаата (салайааччы Архипова О.И, проегы суруннээччи Бочугурова Г.А.)., активист далбардар, тэрилтэлэр профкомнара. Түргэн темпэлээхтик салгыы үлэлииллэр Амма сэлиэнньэтиттэн: ЦРБ, Амма 1 / — х ОО, райпо («Общепит), «Амма түмсүүтэ; нэһилиэктэртэн: Алтан, Сатаҕай, Бөтуҥ, Сулҕаччы, Сэргэ Бэс, уо.д.а… Барыта сэтинньи ыйтан — 471 видеоҕа уһуллуу оҥоһулунна. Аммабыт туруу үлэһит дьоннорунан биллэр, 4 Социалистическай үлэ Геройдарынан: Васильева А.М., Лукин Т.С., Яковлев П.И., Киренскай Л.В ааттарынан киэн туттабыт, үйэлэргэ ааттарын үйэтитэбит! Барыгытын: ааспыт үйэ 50, 60, 70 сылларыгар улэлээн ааспыт дьоммутун кыттыһыҥ, урукку эдэр сааскытыгар «Үлэни өрө тутан, аргыс» оҥостон кэлбиккитин сырдатыҥ, эдэр кэлүөнэ ыччакка холобур оҥостоҥҥут кэпсээҥ, сырдатыҥ диэн ыҥырабыт!
