Бэс ыйын 7 күнүгэр 1938 сыллаахха Алтан нэһилиэгэр Аграфена Егоровна күн сирин көрбүтэ. Кини колхознай-совхознай тутул активнай кыттыылааҕа, Герой -ийэ, «Аҕа дойдуга үтүөлэрин иһин» 4-с степенэ орден кавалера, СӨ тыатын хаһаайыстыбатын үтүөлээх үлэһитэ, СӨ тыатын хаһаайыстыбатын Государственнай бириэмийэтин лауреата, дьахталлар республикатааҕы 8-с съезтэрин делегата, Амма улууһун, Алтан, Бөтүн нэһилиэктэрин бочуоттаах олохтооҕо, маяк ыанньыксыт. Аграфена Егоровна Герой ийэ быһыытынан эдэр көлүөнэни иитиигэ-үөрэтиигэ тус бэйэтин үлэтинэн, олоҕунан мэлдьи үтүө холобур буолар. Кини туһунан төрөөбүтэ 75 сааһыгар «Амма чулуу дьоно» серияҕа “Туора алаас хотуна” диэн кинигэ тахсыбыта. Бу кинигэ тыа сирин үлэһит дьонугар ананар.
Махтал буоллун үрүҥ илгэни үрүйэлии сүүрүгүрпүт туруу үлэһит киһиэхэ,үлэ бастыҥар Аграфена Сутаковаҕа.
«Үлэ – Албан аат” проегынан уһуллубут устууну көрөргүтүгэр.
