Бэс ыйын 17 күнүгэр улуустааҕы киин библиотекаҕа СӨ культуратын туйгуна, Амма киэн туттуута бэлиэлээх, «Махтал» этно — фольклорнай бөлөх салайааччыта, «Саха эйгэтэ» общественнай түмсүү салайааччыта Екатерина Петровна Новикова — Дьулуура «Оҕо сааһым биһигэ-Амма» диэн «Үйэлэри уҥуордаан эһиги миигин истиэххит» бырайыак чэрчитинэн аудио кинигэтин сүрэхтэниитэ үөрүүлээх быһыыга майгыга сүрэхтэннэ.Кыттыыны ыллылар кэрэ дьикти үҥкүүлэрлээх,ылбаҕай ырыа тойук аргыстаах «Махтал» этно-фольклорнай, үҥкүү бөлөҕө,Эмистэн төрүттээх биир дойдулаахтара,бииргэ үөрэммит үөлээннээхтэрэ,аймахтара.Бу дьоро күҥҥэ талааннаах поэт, ырыаһыт, тойуксут, олоҥхо пропагандиһа, быйылгы сылга өрөгөйдөөх үбүлүөйдээх Екатерина Петровна айар үлэтин, олоҕун отчуотун көрдөрөр кэрэхсэбиллээх ис хоһоонноох концерт туруоран үөртэ, дьулуурдаах, ситиһиилээх үлэтин көрдөрдө. Эҕэрдэ тылы эттилэр Бубякин П.П. — Эмис нэһилиэгин баһылыга, Макарова С.Е. — Амма улууһун библиотечнай ситим директорын солбуйааччыта, бииргэ үөрэммиттэрэ.
Түмүккэ Дьулуура бар дьонугар махтанна, үтүө алгыс тылын этэн, кэрэ куолас ырыатынан, Үрүҥ Тунах ыһыаҕынан эҕэрдэтин тиэртэ.
….. Кинигэ биһирэмин иилээн саҕалаан ыытта Вероника Стручкова — кыраайы үөрэтэр салаа кылаабынай библиотекара, бырайыак ааптара.