От ыйын 12 күнүгэр манна бастакы ыалдьыттарынан буоллулар Дьокуускай куорат хамаандатын салайааччыта уонна дуобат күрэҕэр кыттааччы. Кинилэр ордук Аммабытын аар саарга аатырдыбыт тустуук Н.С. Захаров — Сахааччаны, мас тардыһыыга абсолютнай чемпионун Анатолий Баишевы, тустуу тренердэрин Н.М. Давыдовы, М.С. Скрябины уо. да чулуу спорсменнарбытын сыныйан көрдүлэр, сиһилии ыйыттылар.Амма улууһун историятын, нэһилиэктэрин, чулуу дьонун,тэрилтэлэрин туһунан үгүс кинигэлэр бэчээккэ тахсыбытын сөҕөн бэлиэтээтилэр, астына көрдүлэр. Быыстапканы билиһиннэрдэ Вероника Стручкова — кыраайы үөрэтэр салаа кылаабынай библиотекара.
