От ыйын 26 күнүгэр Күннүк Уурастыырап аатынан киин библиотекаҕа куораттан «Уран тыл оһуора» литературнай түмсүү салайааччыта Раиса Николаевна Тимофеева — Сырдык Күүс, кини солбуйааччыта,мелодист Татьяна Иннокетьевна — Тупсууна көрсүһүүгэ күндү ыалдьыт буолан  кытыннылар

Бу түмсүү тэриллибитэ 5 сыла буолбут, бүтүн республиканы хабан айымньылаахтык үлэлиир. Бу кэм устата айар куттаах дьонноругар сүүсчэкэ кинигэни, хомуурунньуктары, брошюралары бэчээттэтэн таһаарбыттар.Араас таһымнаах тэрээһиннэри ыытан хорутуулаах, ситиһиилээх үлэлэрин кэпсээтилэр, интириэһиргэтэр боппуруостарга эппиэттээн кэпсэтии буолла, сүбэ ама биэрдилэр.  Библиотекаҕа уонтан тахса кинигэлэрин бэлэх ууннулар.Маны тэҥэ Чапчылҕан олохтоох автора Татьяна Петровна Семенова  саҥа кинигэлэрин бэлэхтээн библиотекабыт фондата хаҥаан үөрүүбүт үрдээтэ. Икки өртүттэн суолталаах, туһалаах көрсүһүү буолла, элбэҕи биллибит инникигэ сирдиир уопуту ыллыбыт.

Тэрээһин иилээн саҕалаан ыытта «Айар абылаҥ» түмсүү салайааччыта Вероника Стручкова