Мэҥэ Хаҥалас Мэлдьэхситтэн төрүттээх Василий Васильевич Скрябин — Идэлги — РФ суруйааччыларын уонна суруналыыстарын Союзтарын чилиэнэ атырдьах ыйын 8 күнүгэр 80 сылын туолла

Ааҕааччыларга «Боссоойкону эһии», «Оо,олох,уустуккун даҕаны», Хааннаах хапсыһыы», «Төлкөлөөх түөрэх», «Дмитрий Таас», «Мэҥэ бэртэрэ», «Оҕолорбут кэпсэтэллэр», кинигэлэринэн, «Дьахтар уонна таптал», «Олох амтана» хоһооннор хомуурунньуктар уо.д.а кинигэлэринэн биллэр. Саха АССР спордун маастара (1979), гиревой спортка республика чемпиона уонна элбэх төгүллээх призера. Общественнай тренер, республиканскай категориялаах судьуйа этэ. Кыраайы үөрэтээччи, саамай үрдүк категориялаах учуутал, «Саха сирэ — Азия оҕолоро» норуоттар икки ардыларынааҕы фонда стипендиата, СӨ үөрэҕириитин туйгуна наҕараадалардаах.