СР үтүөлээх учуутала, СР үөрэҕириитин туйгуна, РФ бочуоттаах учуутала, саха тылын уонна литературатын учуутала Мария Дмитриевна Ноговицына үөрэтэр оҕолоро төрөөбүт тылларын дириҥник билэ улааталларыгар ис сүрэҕиттэн кыһаллар, төрөөбүт төрүт тылга ытыктабыллаахтык сыһыаннаһарга такайар.
Бүгүн оҕолор норуодунай суруйааччы Миитэрэй Наумовка анаммыт кинигэ быыстапкатын, кини айымньыларын, суруйааччы олоҕун, айар үлэтин сырдатар литератураны билистилэр, кини туһунан иһитиннэриини сэҥээрдилэр.
Ааҕааччыны кытары үлэлиир салаа кылаабынай библиотекара Сидорова Е.В. суруйааччы олоҕун, үлэтин — хамнаһын, айар үлэтин туһунан оҕолорго кэпсээтэ, айымньыларын билиһиннэрдэ, кинигэни ааҕалларыгар ыҥырда.
