Албан ааттаах, бойобуой комсомол историятыгар бэсиэдэ, викторина ыытылынна. Көхтөөхтүк түөрт хамаанданан кыттан таайыы, анал ааттаах номициялар туттарылыннылар. Ол курдук: «Өркөн өйдөөх комсомол» — Ольга Федорова, «Уһулуччу комсомол» аат «Сулус» хамаанда, «Бэриниилээх комсомол» аат «Кэхтибэт кэрэ куоластар», «Төлөннөөх комсомол » аат «Комсомольцы добровольцы», «Үйэлээх комсомол» аат «Слобода» хамаандаларга иҥэрдилэр, үөрүүлэрин үрдэттилэр. Умнуллубат эдэрдии эрчимнээх ырыалары баянынан дуоһуйа ыллаан, эдэр саас чаҕылхай кэмнэрин ахтан — санаан аастылар. Комсомол историятын кэрэһэлиир коллекция эгэлгэтэ болҕомтону тарта. Миэстэлэспит дьон бэртээхэй бириистэри тутан астыннылар. Нэһилиэк көхтөөх дьоно бу курдук эдэр саастарын аргыһа — Комсомол олохторугар суолдьут сулус, бигэ тирэх буолан өрүүтүн сүрэхтэригэр кытыаста умайа сырыттын, эдэрдии эрчими ыһыктыбакка сылдьаллара барыбытыгар холобур буолар.
Вероника Стручкова, киин библиотека кыраайы үөрэтэр салаа кыл. библиотекара
