Кини драмалара, кэпсээннэрэ ааҕааччыга киэҥник биллэллэр. Ону тэҥинэн, А.И. Софронов ылбаҕай ырыаһыт, хомоҕой хоһоонньут этэ. Алампа дьол уонна сор, үтүө уонна мөкү курдук олох утарыта турар көстүүлэрин чинчийбитэ. Поэт бэйэтин олоҕунан даҕаны, айымньыларыгар даҕаны олох ыарахаттарын тулуйарга, эрдээхтик туоруурга үөрэппитэ. Алампа айымньылара ааҕааччыны ыраастыыр, киһититэр катарсическай майгылаахтар.
… А.И. Софронов аатынан сыл аайы ыытыллар общественнай бириэмийэҕэ биир дойдулаахтарбыт Саха норуотун суруйааччыта Дмитрий Наумов «Бастыҥ драматург» уонна Сахафильм судаарыстыбаннай национальнай хампаанньа туруораачы оператора Семен Аманатов «Бастыҥ кинематографист» номинациялары ылан лауреат үрдүк аатын ылбыттара.
