Сэтинньи 14 күнүгэр Соморсун нэһилиэгэр дьоро күн буолла. Ол курдук, Семен Спиридонович Капитонов — Россия суруйааччыларын Сойууһун чилиэнэ, СӨ култууратын үтүөлээх үлэһитэ, Амма улууһун, Сулҕаччы,Соморсун нэһилиэктэрин бочуоттаах олохтооҕо, «Гражданскай килбиэн» бэлиэ хаһаайына буруолуу сылдьар «Байанай — мин үҥэр таҥарам!» диэн кинигэтэ дьонугар сэргэтигэр үөрүүлээх быһыыга майгыга сүрэхтэннэ

Поэт кинигэтин бэчээттэнэн тахсарыгар күүс көмө буолбут «Амма улууһа» (оройуона) уонна «Соморсун» МТ дьаһалталарыгар барҕа махталын тириэртэ. Кинигэ туһунан ырытыылары, санааларын эттилэр: Д.Т. Феофанов — биир дойдулааҕа, В.И. Стручкова — Амматааҕы киин библиотека кылаабынай библиотекара, В.В. Иванова — «Амма олоҕо » хаһыат эппиэттиир секретара. Истиҥ эҕэрдэлэрин, баҕа санаа бастыҥын эттилэр: Нь.И. Илларионова — Амма улууһун баһылыгын солбуйааччыта, И.Ф. Иванов — Амма улууһун култууратын начальнига, С.Е. Макарова — Амма улууһун библиотечнай тиһик директорын солбуйааччыта, Соморсун нэһилиэгин баһылыга А.Ю. Кононов, ыаллыы олорор нэһилиэктэр, оскуола коллектива, тэрилтэлэр. Ылбаҕай ырыаларынан киэргэттилэр талааннаах нэһилиэк ыччата.