Оонньуу 3 түһүмэҕинэн ыытылынна. Бастакы түһүмэх төрөппүккэ аналлаах «Төрөөбүт улуускун төһө билэҕин?» киин библиотека библиотекара Винокурова Л.Е., 2 түһүмэ5и В.И. Жожиков аатынан оҕо библиотекатын библиотекара Сивцева Нь.А. мультик геройдарынан викторина ыытта. 3 түһүмэх творческай уруһуй күрэҕэ, манна тугу уруһуйдаабыттарын тахсан кэпсээтилэр. Күрэх кыайылааҕынан Акимов Герман ийэтинээн Анна Моисеевналыын, 2 миэстэ Неустроев Герман ийэтинээн Валентина Кимовналыын, 3 миэстэ Ефимова Дарина ийэтинээн Анна Сергеевналыын буолуллар.
Минньигэс астаах фуршет, фокусник кэлэн оҕолорго биир умнуллубат түгэни бэлэхтээтэ. Тэрээһини Амма улууһун доруобуйаларынан хааччахтаах дьон обществота, Социальнай эйгэ уонна ыччат политикатын управленията, Амматаа5ы киин уонна оҕо библиотеклара тэрийэн ыыттылар. Кэлбит күрэх кыттааччылара бары бириис тутан үөрэн — көтөн тарҕастылар. Бары кыттыыны ылбыт дьоммутугар махталбытын тириэрдэбит.
