2024 сыллаахха Амма улууһугар ыытыллар олоҥхо ыһыаҕын көрсө “Саллар саас тухары Саханы үрдэтиэ олоҥхо” XXI региональнай кэтэхтэн “Сээркээн Сэһэнньиттэр” Краеведческай Ааҕыыны тэрийэн ыыттылар Саха народнай поэта В.М.Новиков – Күннүк Уурастыырап аатынан Амматааҕы киин библиотека, М.К.Аммосов аатынан Хотугулуу- Илиҥҥи федеральнай университет Олоҥхо научнай – чинчийэр института, республикатааҕы олоҥхо ассоциациятын Амматааҕы филиала.
Ааҕыы икки хайысханан барда:
1.Норуот тылынан уус-уран айымньытын олоҥхону, олоҥхоһуттары үөрэтии, кинилэр тустарынан сибидиэнньэлэри хомуйуу, үйэтитии;
2.Олоҥхо – киһилии киһини иитэр суолтатын бэлиэтээһин, олоҥхо педагогикатын арыйар чинчийэр, тэрийэр үлэлэри ыытыы.
Ааҕыыга 5 улуустан , ол курдук, Горнайтан, Чурапчыттан, Мэҥэттэн уонна Амматтан барыта 33 киһи кытынна, мантан 7 оҕо уонна 3 эдэр ыччат.
Кэтэхтэн ыытыллыбыт Региональнай Ааҕыы дьүүллүүр сүбэтигэр үлэлээтилэр Сутакова Евдокия Михайловна — Амматааҕы кииннэммит библиотечнай тиһик директора, Борисов Юрий Петрович — Олоҥхо научнай – чинчийэр институтун научнай үлэһитэ, филологическай наука кандидата, Борисова Саргылана Васильевна — республикатааҕы олоҥхо ассоциациятын Амматааҕы филиалын салайааччыта, Ноговицына Мария Дмитриевна — “Амма олоҥхото уонна олоҥхоһуттара” программа автора, Кочаткин Василий Васильевич — Амматааҕы культура управлениетын фольклорга специалиһа.
Дьүүллүүр сүбэ быһаарыытынан
1 хайысхаҕа:
улахан дьон ортотугар:
I миэстэни ылла Алексеев Михаил Васильевич (Мээндиги, Амма) ” Мээндигилэр олоҥхону аҕалбыттара” дакылаатынан;
II миэстэ – Стручкова Раиса Иосифовна (Сулҕаччы,Амма) “Сулҕаччы олоҥхоһуттара, тойуксуттара” дакылаатынан;
III миэстэ — Рязанская Наталия Константиновна (Амма) “ Олоҥхо абааһыта –атын омук киһитэ “дакылаата ;
Эдэр ыччат ортотугар:
I миэстэ – Иванова Лилиана Прокопьевна (Күөрэлээх,Горнай) “Прокопий Ядрихинскай – Бэдьээлэ”Дьырыбына Дьырылыатта Кыыс бухатыыр”олоҥхотугар хоһуласпыт уонна ханыы тыллар туттуллуулара” дакылаатынан ;
II миэстэ – Деляев Эдуард Петрович (Абаҕа, Амма) “Улуу олоҥхоһут Т.В. Захаров-Чээбий Абаҕаны кытта ситимэ” дакылаата , сал.Белолюбская Н.Н.;
III миэстэ – Кириллина Елена Давыдовна (Абаҕа, Амма) “Дыырай Бэргэн”-Үстүүн Нохсоороп үйэлэри куоһарар олоҥхото “ дакылаата, сал.Белолюбская Н.Н.;
Оҕолор ортолоругар:
I миэстэ – Попова Виктория, 8 кыл.(Мээндиги, Амма) “Попов Петр Павлович – Сыапай Маатыс норуоттан тахсыбыт дьоҕурдаах киһи туһунан”, сал.Попова М. Ф.;
II миэстэ – Сидорова Алла 10 кыл.( (Күөрэлээх,Горнай) ” С.Г.Алексеев-Уустарабыс”Чөҥөчөх Оҕонньор, Төҥүргэс Эмээхсин”,”Дьэбириэлгин Бэргэн”олоҥхолоругар анал аат көстүүтэ”, сал.Иванова Л.П.;
III миэстэ – Кузьмина Дарина, 10 кыл,(Амма) “Олоҥхо эдэр ыччата” , сал.Рязанская Н. К.;
2 хайысхаҕа :
Улахан дьон ортотугар :
I миэстэ – Попова Татьяна Павловна (Соморсун, Амма) « Олоҥхо сюжетынан оскуола иннинээҕи саастаах оголорго хамсаныылаах оонньуулар” дакылаата;
II миэстэ – Лебедева Мария Петровна (Соморсун, Амма) « Олоҥхо уус-уран тылын логопед дьарыгар туһаныы” дакылаатынан;
III миэстэ – Шишигина Галина Николаевна (Сатаҕай, Амма) « Оскуолаҕа олоҥхону туруоруу“ дакылаата;
“Саллар саас тухары Саханы үрдэтиэ олоҥхо” XXI региональнай кэтэхтэн ыытыллыбыт “Сээркээн Сэһэнньиттэр” Краеведческай Ааҕыыга , киһи аймах чулуу айымньытын Олоҥхону үөрэтэн – чинчийэн, үйэтитиигэ үлэлэһэн, көхтөөх кыттыыны ылбыккытыгар тэрийээччилэр ааттарыттан махталбытын тиэрдэбит. Доруобай , этэҥҥэ буолуҥ!
