Ахсынньы 20 күнүгэр улууспут салалтатын аактабай саалатыгар Амма улууһа тэриллибит күнүн уонна улууспут бастакы кулубата Афанасий Петрович Рязанскай туһунан саңа кинигэ сүрэхтэниитэ буолла. В.М. Новиков — Күннүк Уурастыырап аатынан киин бибилиотеката «Афанасий Петрович Рязанскай — улуус бастакы кулубата», «Аммабыт баай историята — үүнүү сайдыы биһигэ» кинигэ быыстапкатын туруорда

Кинигэни суруйбут ааптар, кыраайы үөрэтээччи Михаил Васильевич Алексеев, киниэхэ күүс көмө буолан баай ис хоһоонноох историческай докумуоннары хомуйсубут, күүс — көмө буолбут дьонноро, «Илин» сурунаал кылаабынай эрэдээктэрэ, саха сирин суруйааччыларын ассоциациятын бэрэссэдээтэлэ Олег Гаврильевич Сидоров, филолологическй наука доктора Николай Николаевич Ефремов, СӨ национальнай архивын директора Петр Васильевич Румянцев кэлэн ыалдьыттаатылар. Амма улууһун баһылыгын социальнай боппуруостарга солбуйааччыта Ньургуйаана Ивановна Илларионова, «Амма олоҕо» хаһыат эрэдээктэрэ Вера Васильевна Иванова мустубут дьоҥҥо анаан улууспут төрүттэммитин уонна баай ис хоһоонноох кинигэни билиһиннэрдилэр. Кэлбит дьон саңа кинигэни бэлэх тутан тарҕастылар.