Site Loader

Бүгүҥҥү дьоро күҥҥэ Екатерина Егоровна Иванова – биһиги биир дойдулаахпыт, норуот ырыаһыта уонна устар ууну сомоҕолуур уран тыллаах олоҥхоһут, ССРС суруйааччыларын союһун чилиэнэ төрөөбүтэ 130 сылынан «Аландаайы-Куландаайы Бухатыыр» диэн саҥа кинигэ сүрэхтэнэр, бэлиэ түгэнэ буолан ааста.
Бүгүҥҥү сүрэхтэнэр «Аландаайы-Куландаайы бухатыыр» кинигэни үбүлээтилэр Амма улууһа Муниципальнай оройуон администрацията, баһылык Николай Архипович Архипов, Бөтүҥ нэһилиэгэ муниципальнай тэриллии администрацията, баһылык Алексей Николаевич Никитин, Сулҕаччы нэһилиэгэ муниципальнай тэриллии администрацията, баһылык Афанасий Егорович Ксенофонтов. Кинигэни Екатерина Егоровна Иванова тылыттан фольклорист хомуйааччы Алексей Алексеевич Дэхсилээхэп суруйан хаалларбыт. Хомуйан оҥордулар Василий Васильевич Илларионов — филологических наука доктора, Хотугулуу-Илиҥҥи университет фольклор уонна культура кафедратын профессора, Туяра Васильевна Илларионова – филологическай наука кандидата, Хотугулуу-Илиҥҥи университет фольклор уонна культура кафедратын доцена, научнай редактор Николай Николаевич Ефремов – филологическай наука доктора, Россия наукаларын академиятын Сибиирдээҕи салаа гуманитарнай чинсийии уонна хотугу аҕыйах ахсааннаах омуктар проблемаларын институтун главнай научнай сотруднига, Российскай федерация наукаҕа уонна үрдүк үөрэхтээһиҥҥэ министерствота, Максим Кирович Аммосов аатынан Хотугулуу-Илиҥҥи федеральнай университет, Российскай Федерация хотугулуу-илиҥҥи норуоттарын тылларын уонна культураларын института.
Эҕэрдэ тыл эттилэр Амма улууһа Депутаттарын Сэбиэтин бэрэссэдээтэлэ Софья Лаврентьевна Александрова, Амма улууһа Муниципальнай тэриллии баһылыгын социальнай боппуруостарга солбуйааччыта Борисова Саргылана Васильевна, Афанасий Егорович Ксенофонтов — Сулҕаччы нэһилиэгин муниципальнай тэриллии баһылыга уонна Елена Васильевна Попова – Сулҕаччытааҕы Дмитирий Федосеевич Наумов аатынан модельнай библиотека главнай библиотекара, Алексей Николаевич Никитин – Бөтүн нэһилиэгин муниципальнай тэриллии баһылыга, кинигэ тахсарыгар кылаатын киллэрсибит Ансема Семеновна Осипова – Хотугулуу-Илиҥҥи Федеральнай университет магистрана, Анатолий Черемных аатынан Амматааҕы оҕо искусствотын оскуолатын фортепианнай отделение педагога — Виктория Георгиевна Григорьева, Аммабыт кэскиллээх эдэр олоҥхоһута Юрий Петрович Борисов — филологическай наука кандидата, Саха Өрөспүүбүлүкэтин эдэр олоҥхоһуттар ассоциациаларын салайааччыта, Олоҥхо научнай исследовательскай институтун старшай научнай сотруднига уо.д.а.
Норуот ырыаһыта Екатерина Егоровна Иванова, биһиги биир дойдулаахпыт үтүө аата Саха дьонун сырдык өйдөбүлүгэр сүппэт аналлаах.

Кинигэ сүрэхтэниитин бу биһиги инстаграм ссылкабытыгар көрүөххүтүн сеп: маны баттаа

Автор поста: администратор сайта

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять