«Отуу уота» литературнай түмсүүттэн Байанаева Прасковья Дмитриевнаны — предс. солбуйааччытын, Мохначевская Мария Петровнаны – Марта — Марияны, Попова Варвара Куприяновнаны — Талаһалаах Кыыһын, Харитонова — Елисеева Мария Николаевнаны — Сыдьаайа Хотуну кытта көрсөн, ирэ — хоро кэпсэтэн, хардарыта санаа атастастыбыт, үлэбит — хамнаспыт туһунан истиҥник кэпсэттибит.
Биһигини коллегабыт, библиотекарь Надежда Алексеевна Афанасьева ытыс үрдүгэр түһэрэн, үөрэ — көтө көрсөн, күнү мэлдьи арыаллыы сырытта.
Намнааҕы библиотека былырыын эрэ саҥа үлэҕэ киирбит, олус улахан баараҕай, аныгылыы тутуулаах дьиэтин — уотун сөҕө — махтайа көрдүбүт. Дыбарыаска кулууп, музей, загса дьиэтэ бииргэ бааллар. Улуус историятын, кыраайы үөрэтэр музей — хостор эмиэ дириҥ историялаахтарынан сөхтөрдө. Арахсарбытыгар ыллаан — туойан, хоһоон ааҕан, хардарыта кинигэ бэлэхтэһэн, сибэкки дьөрбөтүн тутан, үөрэн — көтөн араҕыстыбыт. Биһиги Амма нэһилиэгин баһылыга М.А. Артемьев 7-с спортивнай оонньуулары сырдатар альбом — кинигэбитин бэлэх ууннубут.
Вероника Стручкова