Ол курдук: В.Н. Васильев «Научные труды, экспедиционная деятельность и музыкальные коллекции по Сибири, Северу и Дальнему Востоку», М.Е. Новиков — Мэлэк Мэхээлэ «Дуолан Баай Тойон, Арҕас Баай Хотун», Егоров Ф.Т. «Дьохсоҕоллой оҕонньор, Сиэмэйэкээн эмээхсин» олоҥхолоро, Ю. Борисов «Амма фольклора» дьоһун кинигэтэ, В.Г. Григорьева «Эпические и песенные традиции Саха в творческом наследии У.Г. Нохсорова», «Эпические песнопения амгинских олонхосутов», «Олоҥхоҕо анаммыт олох», Е.Д.Уварова «Улуу олоҥхоһут Чээбий», Е.С. Шишигин «Аммаҕа сэрии кэмигэр ыһыах. 1944», И.В. Семенов «Харама Боотур уонна Амма Куо» оҕолорго остуоруйа олоҥхото бар дьоммутугар сүрэхтэннэ. Үөрүүлээх дьоро тэрээһиҥҥэ С.В. Местников — СӨ Правительствотын бэрэссэдээтэлэ, А.Н. Жирков — СӨ Ил Дарханын иһинэн үлэлиир Олоҥхо национальнай кэмитиэтин бэрэссэдээтэлэ, С.Н. Кузьмин Амма улууһа оройуона МТ баһылыга кыттыыны ыллылар. Күндү ыалдьыттарынан буоллулар улуу олоҥхоһуттарбыт хаан уруу сыдьааннара, өрөспүүбүлүкэҕэ биллэр көстөр бөдөҥ учуонайдар, эпосоведтар, фольклористар, олоҥхоһуттар.
Вероника Стручкова — Амматааҕы Күннүк Уурастыырап аатынан киин библиотека кылаабынай библиотекара