Үөрүүлээх аһыллыы алгыһынан арылынна. Эҕэрдэлэрин тиэртилэр С.Т. Неустроева — Амма улууһун социальнай харысхал салайааччытын солбуйааччыта, П.Е. Прокопьев — Амма улууһун библиотечнай тиһик директора.
Күрэх балаһыанньатынан бэйэ айыытын ааҕыы,тута айыыга тургутуу буолла. Дьүүллүүр сүбэҕэ үлэлээтилэр Н.Н. Прокопьева — бэрэссэдээтэл, Е.Г. Федоров – Долун — Ай Кут сурунаал редактора, Т.П. Семенова – Татыйаас — олохтоох автор, «Айар абылаҥ» түмсүү чилиэнэ. Күрэс түмүгүнэн бастаата Ольга Заборовская (Амма), 2-с миэстэ Зинаида Федорова (Сунтаар), 3-с миэстэ Мария Семенова (Бүлүү). Татьяна Семенова — Татыйаас хоһоон суруйарга сүбэ ама, маастар кылаас ыытта. Ыалдтыттарбыт Борис Гоголев, Ольга Заборовская, Анна Минеева ылбаҕай ырыаларын бэлэхтээн сүргэбитин көтөхтүлэр. Биир дойдулаахпыт, Өрөспүүбүлүкэтээҕи грантовай үлэҕэ специалиһэ Маргарита Лазарева сыл аайы маннык тэрээһини көҕүлээн ыытара хайҕаллаах,бырайыага кэскиллээх. Улуустааҕы киин библиотека мэлдьи өйөөн бииргэ үлэлэһэр. Тэрээһиҥҥэ «Амма кытылын айар талааннара» кинигэ быыстапка туруорда, ыалдьыттарга билиһиннэрдэ.
Вероника Стручкова
