Биһиги улууспутугар комсомол ячейката 1920 сыллаахха Абаҕа нэһилиэгэр тэриллибитэ, салайааччы Прокопий Семенов этэ.
Ленскэй комсомол олоҕун историята олус киэҥ, дириҥ. Амма комсомолецтара Саха сирин комсомолун олоҕор элбэҕи киллэрбиттэрэ, оҥорбуттара.
Амма оройуонун комсомолун тэрилтэтэ 1977 сылга Бүтүн Союзтааҕы Ленинскэй Коммунистическай Союз Киин Комитетын көһөрүллэ сылдьар Кыһыл Знамятынан наҕараадаламмыта.
1978 сыллаахха дойду тэбэр сүрэҕэр Москуба куоракка Ленинскэй комсомол ХVlll сийиэһигэр биир дойдулаахтарбыт «Амма» совхоз киин салаатын салайааччылара Вячеслав Лугинов уонна Ленинскэй оройуонтан Исталина Нохсорова талыллан кыттар үрдүк чиэскэ тиксибиттэрэ. Улуус чулуу ыччаттара, кэлин нэһилиэк баһылыктарынан үлэлээбит Прокопий Бытыров комсомол ХХ сийиэһин делегата, Николай Илларионов ыччаттар Аан дойдутааҕы фестивалын кыттыылааҕа буолбуттара.
Комсомол ыччаты иитиигэ, үөрэтиигэ олоххо бэлэмнээһиҥҥэ киллэрбит сүдү кылаата туохха да тэҥнэммэт.
Бэйэлэрин кэмнэригэр комсомол кэккэтигэр үлэлээбит — хамнаабыт ыччаттары бу күнүнэн эбэрдэлиибит.
