Бүгүн ахсынньы 5 күнүгэр норуот ырыаһыта, олоҥхоһут, СССР суруйааччыларын союһун чилиэнэ, Сулҕаччыттан төрүттээх Екатерина Егоровна Иванова — төрөөбүтэ 133 сыла

13 сааһыттан оһуохайдыыр, тойуктуур этэ. Кэтириис норуот тапталлаах ырыаһыта буоларыгар аатырбыт олоҥхоһуттар Ырыа Маппыан, Чээбий сабыдыаллаабыттара. 1934 с. А.А. Дяхсиляхов 20 тыһыынча строкалаах «Айыы сиэнэ Аландаайы Куландаайы» диэн ааттаах бухатыыр туһунан Е. Иванова олоҥхотун суруйбута. Сэрии сылларыгар «Манчаары Баһылай», «Байыас Баабылап Хабырыыс», «Буойуннар дьиэлэригэр төннүүлэрэ» диэн Ийэ дойдуну таптыырга, кинини өстөөхтөртөн харыстыырга ыҥырар патриотическай ырыалары айбыта. Е. Иванова бастакы кинигэтэ «Дьоллоох олоҕу туойабын» 1953с.тахсыбыта.