Бүгүн, ахсынньы 20 күнүгэр Амматааҕы Ф. Потапов аатынан норуот айымньытын уонна култууратын киинигэр Амматааҕы эдэр туристар станцияларын 25-с сыллаах үбүлүөйүгэр анаан «По компасу к новым вершинам» кинигэ сүрэхтэниитэ буолла

Кинигэҕэ Амма улууһугар оҕо туризымын сайдарыгар үлэлээбит педагогтар, ветераннар, үөрэммит оҕолор ахтыылара, Өрөспүүбүлүкэҕэ, оройуоҥҥа күрэхтэһиилэрэ, Бүтүн сойуустааҕы эдэр туристар слеттарыгар кыттыбыттара, хаартыскалар, ахтыылар киирдилэр.

Оҕо сайдыытыгар, кини сынньалаҥын тэрийиигэ, доруобуйата бөҕөргүүрүн туһугар эдэр туристар станциялара оруола улахан. Оҕону айылҕаҕа сыһыаран иитии, төрөөбүт дойдутунан киэн тутта, бэриниилээх буола улаатарыгар төһүү күүс буолар. Кэлбит ыҥырыылаах ыалдьыттар, эдэр туристар станцияларыгар сылдьыбыт оҕолор үөрэммит кэмнэрин махтанан, ахтан — санаан аастылар.

Кинигэ сүрэхтэниитин ыытта киин библиотека ааҕар саалатын библиотекара Винокурова Л.Е.