Бу дьыл тохсунньу 9 күнүгэр биир дойдулаахпыт, Россия култууратын үтүөлээх үлэһитэ, ССРС телевидениятын уонна араадьыйатын туйгуна, биллиилээх тележурналист, Амма улууһун бочуоттаах гражданина Елена Степановна Миронова төрөөбүтэ 90 сылын туолла

Кини «Кэл олор, кэпсэтиэх» «Саха» национальнай көрдөрөр — иһитиннэрэр хампаанньата 80-с сыллартан саҕалаабыт, кэнэҕэски көлүөнэҕэ кэрэ кэпсээн буолан хааллын диэн Көмүс фондатыгар анаан — минээн хаалларбыт матырыйаалларын бар дьонугар 2010 сыллаахха кинигэ суруйан бэлэх оҥорбута.

Елена Степановна биэриилэригэр саха норуота киэн туттар духовнай лидердэрин кытта көрөөччүнү көрсүһүннэрэрэ, бэйэтэ астыктык ыйыталаһан, ытаһалаан, телевизоры көрөн олорор киһи бэйэтэ дуоһуйа кэпсэппит курдук буолара. Бу биэриилэр үксүлэрэ саха телевидениетын үйэлэргэ уурар фондатыгар ууруллан сыталлар. Е.С. Миронова олохтон 2016с.туораабыта.