Бүгүн, «Төрөөбүт тыл уонна сурук бичик» күнүн иитинэн Аммаларга үөрүүлээх түгэн тосхойдо
«Чолбон» сурунаал редколлегиятын куоластааһынын түмүгүнэн ааспыт 2024 сыл лауреаттара биллэн, А.И. Софронов-Алампа аатынан проза хайысхатыгар «Саахар» сэһэнинэн биир дойдулаахпыт Наталия Рязанская аата ааттанан өрөгөй кыайыыны ситистэ. Олохтоох автор саха литературатын эйгэтигэр далааһыннахтык киирэн,хорутуулаахтык суруйан «Уруум таптала», «Амма ааттааҕа Анатолий Баишев»,»Сэттэ сурук», «Аммаҕа төрүүллэр дьоллоохтор», «Икки ытыс кистэлэҥэ» айымньылара ааҕааччы кутун сүрүн туппута ыраатта.
Наталия Константиновнаны дьоһун ситиһиитинэн айхаллыыбыт, суруйар бөрүөн сыппаабатын, өссө да айан тутан ис диэн алгыс үтүөтүн,баҕа санаа бастыҥын аныыбыт.
Вероника Стручкова
