Бүгүн, олунньу 25 күнүгэр Амматааҕы В.М. Новиков- Күннүк Уурастыырап аатынан киин библиотекатыгар доруобуйаларынан хааччахтаах ааҕааччыларга анаан улуустааҕы «Айхаллан, Улуу Кыайыы!» диэн Улуу Кыайыы 80 сылын көрсө интеллектуальнай викторина буолан ааста

Кэлбит кыттааччылары эҕэрдэлээтилэр Амматааҕы библиотечнай тиһик дириэктэрэ Прокопий Евгеньевич Прокопьев уонна Амматааҕы харахтарынан хааччахтаах дьон уопсастыбаларын бэрэсэдээтэлэ Александра Николаевна Устинова.

Тэрээһин дириҥ ис хоһоонноох «Помним, Гордимся, Благодарим» кинигэ быыстапкатын билиһиннэрииттэн саҕаланна.

Инбэлииттэр уонна көрбөттөр уопсастыбаларыттан уопсайа 14 киһи көхтөөхтүк кытыннылар. Дьүүллүүр сүбэҕэ үлэлээтилэр Амматааҕы киин библиотека методистара Александрова Т.Т., Слепцова А.В.

Үс түһүмэхтээх викторина түмүгүнэн

Бастакы миэстэ- Григорьев Семён Алексеевич (Абаҕа)

Иккис миэстэ — Платонова Ольга Семеновна (Амма)

Үһүс миэстэ — Потапов Вячеслав Егорович (Болугур)

Биһирэбил бирииһи ыллылар:

Иванов Василий Васильевич (Болугур), Неустроева Надежда Николаевна (Амма).

Кыттааччылар остуол оонньуутун оонньоон, чэйдээн, ирэ — хоро кэпсэтэн, илии тутуурдаах үөрэн-көтөн, астынан тарҕастылар. Кыттыыны ылбыт дьоммутугар инникитин өссө да көхтөөх буолалларыгар баҕарабыт.

Тэрээһини ыытта киин библиотека библиотекара Винокурова Лариса Егоровна.