Кулун тутар 28 күнүгэр киин библиотекаҕа «Гитара алыптаах дорҕооно» тыыннаах доҕуһуолунан ылбаҕай ырыа кэрэ түгэнэ тосхойдо

Биһиэхэ ыалдьыттаатылар «РДК- 80» ВИА сүрүн састааба: солисткалар Ирина Васильева, Людмила Малыкайцева уонна ырыаһыт, музыкант Дмитрий Наумов.

Бу киэһэ уостан түспэт норуот таптыыр ырыалара ылланнылар.

Биэчэр кыттыылаахтара остуол тула олорон ирэ-хоро кэпсэттилэр, тэҥҥэ ылластылар.

Биэчэр кыттыылааҕа Уваров Владислав гитараҕа оонньуурун сөбүлүүр буолан олус сэҥээрэн ыллыырга холонно, сүбэ-ама ылла.

Биэчэр саамай кыра кыттааччыта Диана Малыкайцева кылыһахтаан ыллаан дуораһытта. Амма талааннаах ырыаһыттарын, мелодистарын туһунан «Эн ыллаа, Амманы айхаллаан» кинигэ быыстапката турда.

Биэчэри Амма киин библиотекатын ааҕааччыны кытта үлэлиир салаа уонна Амма нэһилиэгин дьахталларын түмсүүтэ (Кузьмина Н.В) тэрийэн ыытта.

Бэрт истиң, сэргэх киэһэ буолла, бары ырыа алыптаах эйгэтигэр куустаран дуоһуйан тарҕастыбыт.