Саха норуодунай бэйиэтэ В.М.Новиков — Күннүк Уурастыырап
төрөөбүтэ 115,Үөрэх эйгэтигэр Саха Өрөспүүбүлүкэтигэр Ааҕыы сылыгар анаан ыытыллыбыт
«Эн талааҥҥар сүгүрүйэн…» Өрөспүүбүлүкэтээҕи
«Уурастыырап ааҕыыларын» түмүгэ
Уран тыл ууһа Уурастыырап аатын үйэтитэр ааҕыылары суруйааччы аатын сүгэр Эмис оскуолата 1992 сыллаахтан ыытар. Бастаан улуус таһымыттан саҕаланан, улам кэҥээн, өрөспүүбүлүкэ таһымыгар быйыл иккис төгүлүн ыытылынна.
Алта хайысханан 149 үлэ киирдэ. 143 үөрэнээччи, 7 учуутал, 3 библиотекарь, 1 эбии үөрэхтээһин педагога, барыта 154 киһи кытынна.
1) Суруйааччы олоҕун, айар үлэтин сырдатар уруок, презентация көрүүгэ 11 үлэ;
2) Күннүк Уурастыырап айымньыларынан буктрейлер көрүүгэ 6 үлэ;
3) Өйтөн суруйууга 10 үлэ;
4) “Ымыы чыычаахтарым, ыллааҥ” ырыа видеокүрэҕэр 15 үлэ;
5) “Хоһооннорум,кутуу көмүс дорҕооннорум” уус-уран ааҕыыны көрүүгэ 62 үлэ;
6) “Саха барытын сатаатын” уруһуй күрэҕэр 45 үлэ.
Дипломнары http://emis-sch.ru/ киирэн хачайдаан ылыаххытын сөп.
Дьүүллүүр сүбэҕэ учууталлар методическай холбоһуктара үлэлээтилэр.
Тэрийээччилэр ааттарыттан ааҕыыга кыттыбыт бары учууталларга, үөрэнээччилэргэ, салайааччыларга махталбытын тиэрдэбит!
Эһиги Күннүк Уурастыырап айымньыларын ааҕаҥҥыт, саҥаны, уратыны билбиккит буолуо диэн бигэ эрэнэбит.
Күннүк Уурастыырап айымньылара 21 үйэ оҕолоругар чугаһын, болҕомтотун тардар кыахтааҕын илэ көрөн итэҕэйдибит, үөрдүбүт. Хас биирдии оҕо айымньыны тус бэйэтэ уратытык ылынан ааҕара, өйдүүрэ биһиги санаабытын кынаттыыр, саха литературата инникилээҕэр эрэл санааны угар.
Сахалыы айымньылары ааҕыҥ, умсугуйуҥ, үүнүҥ-сайдыҥ!
Уурастыырап хоһоонноро өрүүтүн
Үгүс өйү, сүрэҕи
Үөрдэ, күүрдэ, көҕүтэ,
Үлэ, олох күргүөмүгэр
Өрөкүйэр күүстээтиннэр!
К. Уурастыырап аатынан Эмистээҕи орто оскуолатын саха тылын уонна литературатын учуутала Анетта Гаврильева
