«Киһи кэрэмэһэ Кеккан» саҥа кинигэ күн сирин көрөн сүрэхтэниитэ

Муус устар 16 күнүгэр, Амматааҕы киин библиотекаҕа «Киһи кэрэмэһэ Кеккан» саҥа кинигэ күн сирин көрөн сүрэхтэниитэ ыытылынна. Бу кинигэҕэ Анал байыаннай дьайыы кыттыылааҕа Попов Егор Николаевич буойун буолан, ууну-уоту быыһынан сылдьыбыт хорсун сырыыларын, бу орто дойдуга ананан кэлбит олоҕор сылгыһыт, булчут, доҕор-атас, убай-быраат, аҕа буолан олох олорон ааспытын туһунан, истиҥ суруктар, ахтыылар, хаартыскалар киирдилэр. Видеолары табыгастаах гына, анал «Оживи» сыһыарыынан туһаайан көрүөххэ сөп.

Тэрээһиҥҥэ кыттыыны ыллылар: Н.И. Илларионова — Амма улууһун баһылыгын солбуйааччы, М.А. Артемьев — Амма нэһилиэгин баһылыга, И.Н. Тарасов — Чакыр нэһилиэгин баһылыгы солбуйааччы, Р.В. Алексеева — «Амарах сүрэх» общественнай түмсүү салайааччыта, Кеккан төрөппүт уола Мичил Попов, бииргэ төрөөбүттэрэ, аймахтара, доҕотторо, ыалдьыттар.

Егор Попов — Кеккан баара буоллар бүгүн 50 сааһын туолуохтаах этэ. Кини үтүө аата, олоҕо бойобуой сырыылара үйэтитиллэн, Аммаҕа бастакы СВО кыттыылааҕын кинигэтэ күн сирин көрбүтэ холобур буолар.

Вероника Стручкова