Константин Туйаарыскай төрөөбүтэ 110 сыла

Бэс ыйын 5 күнүгэр, талааннаах оҕо суруйааччыта, ССРС Суруйааччылырын сойууһун чилиэнэ Константин Николаевич Дьячковскай–Туйаарыскай төрөөбүтэ 110 сыла бэлиэтэннэр. 

К. Дьячковскай литератураҕа 30-с сыллар бүтүүлэригэр киирбит. Оҕолорго аналлаах бастакы хоһоонноро 1936 сыллаахха «Бэлэм буол» хаһыакка бэчээттэммиттэрэ уонна тута биһирэбили ылбыттар.

Бэйиэт эдэр ыччакка анаан өр, 40-ча сыл устата үлэлээбит. Кини бэйэтин кэминээҕи суруйааччылартан саамай уһуннук, элбэҕи оҕоҕо анаан суруйбутунан уратылаах. Оҕолорго анаан кини саха поэзиятын көмүс фондатыгар киирбит үгүс хоһооннору остуоруйалары, үгэлэри, таабырыннары, чабырҕахтары, поэмалары, олоҥхо-остуоруйаны суруйбута, кинигэ гынан бэчээттэппитэ.

Кини нуучча биллиилээх суруйааччыларын С.Михалкову, С. Маршак, К. Чуковскай, А. Барто сахалыы саҥардан кырачаан ааҕааччыларга үчүгэй бэлэҕи оҥорбута. Нууччалыы ааҕар оҕолорго анаан 60-с сылларга «Неумеха», «Походная деревня» диэн кинигэрлэрэ тахсыбыттара. Константин Туйаарыскай хотугу ноуоттар суруйааччыларын П.Ламутскайы, Г.Куриловы, В.Лебедевы уо.д.а. саха ааҕааччыларыгар билиһиннэрбит улахан өҥөлөөх. Тылбааһа манан эрэ бүппэт, өссө монгол, бурят, Тува, Горнай Алтай, башкир, киргиз, казах, калмык поэттарын айымньыларыттан сахалыы тылбаастары булуохха сөп. Дьячковскай 20-чэ хоһоонноро ырыалар буолбуттара. 

Константин Дьячковскай — Туйаарыскай аатынан Амма улууһун, Абаҕа нэһилиэгэр олохтоох бибилиэтэкэтэ кини аатын сүгэр.

Кини аймньыларын бу сигэнэн киирэн билсиэххэ сөп: https://amgalibchild.ru/?page_id=365