Истиҥ эҕэрдэ!

Поэтесса, Россия уонна СӨ суруйааччыларын сойууһун чилиэнэ, СӨ култууратын үтүөлээх үлэһитэ Саргылаана Васильевна Гольдерова – Саргы Куо бүгүн күн сирин көрбүт күнэ.

Убаастабыллаах Саргылаана Васильевна!

Сулустаах сылларыҥ субуруһа сиэллиннэр, айар талааныҥ ахсым ат айаныныы арыллан истин! Хомоҕой хоһоонноруҥ тоҕус тоҕойу туорааннар, бар дьонуҥ биһирэбилин ыла турдуннар! Айар илбис уот кутаатыгар умайан, ону кумааҕыга тиһэн, бииртэн биир кинигэҕэ кубулутан, эн талааҥҥар сүгүрүйээччилэриҥ кэккэтэ кэҥии турдуннар!