Бэс ыйын 25 күнүгэр, Соморсун нэһилиэгэр үөрүүлээх дьоро күн тосхойдо

Биир дойдулаахпыт В.Е. Васильев — Харысхал саха норуодунай суруйааччыта, прозаик, драматург, уопсастыбаннай диэйэтэл, Духуобунас академига, Амма, Хаҥалас, Мэҥэ — Хаҥалас, Уус — Алдан улуустарын бочуоттаах гражданина быйыл төрөөбүтэ 75 сылынан, кини үтүө аатын үйэтитэр тэрээһиннэриттэн биирдэстэрэ «Ахтар саныыр Харысхалбыт» төгүрүк остуол култуура киинигэр ыытылынна. Кыттыыны ыллылар: Наталья Харлампьева, Харысхал доҕоро В.В. Ерёменко, Д.Ф. Наумов, Сэмэн Тумат — С.А. Попов, Умсуура — О.Н. Корякина, Ираида Попова, Г.Г. Андросов, Р. Каженкин, Саха театрын артыыстара, доҕотторо, аймахтара.

«Биһиги кэммит бэлиэ киһитэ — Харысхал» киэҥ ис хоһоонноох кинигэ быыстапката турда, дьон сэргэ болҕомтотун, сэҥээриитин ылла.

 Вероника Стручкова