Петр Михайлович Павлов 96 сыла
Амма улууһун уонна Сулҕаччы нэһилэгин бочуоттаах олохтооҕо. СР бочуоттаах ветерана Петр Михайлович Павлов.
Петр Михайлович өр кэмҥэ Сулҕаччыга нэһилиэк сэбиэтин бэрэсэдээтэлинэн улэлээбитэ. Күүрүүлээх үлэ чиэстэнэр, улэһит киһини өрө тутар өрөгөйдөөх, ханан да улугурбатах кэмҥэ. 70-с, 80-с сылларга олорор сиринэн (агитзона) бүтүн нэһилиэги, нэһилиэнньэни күүскэ хабан араас өруттээх үлэ ыытыллара. Ырааһырдыы ыйыгар ыалынан кэрийии, бэрээдэги кэспит дьону кытта тута кэпсэтии, культурнай, спортивнай тэрээһиннэр, кэнсиэрдэр. «Билии» общество нөҥүө араас темаҕа лекциялар, фермаларга «Кыһыл муннуктары» оҥоруу күөстүү оргуйара. Бырааһынньык аайы уулусса кыһыл былакааттарынан киэргэйэрэ.
Бу улэни барытын олохтоох сэбиэт бэйэтин актыыбын кытта сатабыллаахтык салайан ыытара. Ол урукку кэмҥэ салайар үлэҕэ үлэлээһин, билиҥҥи кэмтэн туох да чэпчэкитэ суоҕа.
Петр Михайлович пенсияҕа тахсыаҕыттан таах олорбокко кыраайы үөрэтиинэн утумнаахтык дьарыктаммыта. Бииртэн биир кэрчик кэмнэри арыйан, архыып докумуоннарыгар олоҕуран Сулҕаччы нэһилиэгин историятын кэпсиир үс кинигэни бэчээккэ таһаартарбыта.
«Сытыы бөрүө, «Элэйбэт бөрүө» анал ааттар хайаайыннара Петр Михайлович Павлов 60-с сыллартан оройуон «Коммунизм тутуутугар», улуус «Амма олоҕо», республика киин хаһыаттарын общественнай корреспондена этэ.
Кэргэнэ Елена Петровна Устинованы кытта дьин сахалыы тыыны тутуһан, 50-тан тахса сыл өйөһөн-өйдөһөн бииргэ олоролбуттара. Кинилэр эдэр дьоҥҥо холобур буолар Сулҕаччы ытык-мааны ыаллара.