Бу сыл, балаҕан ыйын 14 күнүгэр Саха Республикатын Национальнай библиотеката тэриллибитэ 100 сылын туолар

Түгэнинэн туһанан күндү биир идэлээхтэрбитин бэлиэ күнүнэн истиҥник эҕэрдэлиибит.

Республика киин библиотекатыгар өр сылларга биир дойдулаахпыт Григорьев Павел Васильевич салайбыта.

Ааспыт сыл сэтинньи ыйыгар бырайыак толкуйдаан, Амматтан төрүттээх НБҕа үлэлии- хамныы сылдьар биир дойдулаахтарбыт үлэлэрин сырдатар, оҕолорго библиотекарь идэтин билиһиннэрэр сыалтан » Аммалар Национальнай библиотекаҕа» диэн видеоролик бэлэмнээн таһаарарга быһаарыммыппыт.

Онон сотору кэминэн бу бырайыак олоххо киириэ, кэлэр кэнчээри ыччакка туһалаах буолуо диэн эрэнэбит.

СР культуратын туйгуна, «Үлэ киһитэ» үрдүк аат хаһаайына Алексеева А.А., СР культуратын туйгуна Андреева Т.И., Боярская Л.А., Оконешников И.Е. уо д.а өрүү биһиги үлэбитигэр күүс — көмө, өйөбүл буолаллар.

Национальнай библиотека үбүлүөйүнэн оскуола оҕолоругар медиаурок ыыттыбыт, оҕолор сэргээн иһиттилэр.

Биир дойдулаахтарбытыгар, Республика сүрүн библиотекатын үлэһиттэригэр таһаарыылаах, айымньылаах үлэни, тус олоххутугар дьолу- соргуну баҕарабыт.

Амматааҕы киин библиотека ааҕааччыны кытары үлэлиир салаа гл. библиотекара Сидорова Е.В.