Тохсунньу 20 күнүгэр, Амматааҕы түмэлгэ үөрүүлээх дьоһун күн тосхойдо.

«Болгуо тимиртэн саҕалаан» диэн тимир уустара Чапчылҕантан Карамзин Александр Иванович, Сулҕаччыттан Фомин Альберт Константинович анал быыстапкалара тэриллэн дьон сэргэ түмүстүлэр. Быыстапка арыллыытыгар Амма улууһун баһылыгын бастакы солбуйааччыта Бураев В.И., улуус мунньаҕын депутаттарын сэбиэтин бэрэссэдээтэлэ Колосов В.В., тыа сирин түөлбэтин Чапчылҕан, Сулҕаччы, Мээндиги баһылыктара эҕэрдэлэрин эттилэр. Улуустааҕы киин библиотека «Уһаныы диэн-кэрэни айааччы, Уус диэн-олох суолун талааччы» кинигэ быыстапката үгүс дьон сэҥээриитин ылла.

Вероника Стручкова