Тохсунньу 30 күнүгэр, Амма улууһун күннэрин чэрчитинэн Дьокуускай куоракка Саха сирин наукатын академиятын киэҥ уораҕайыгар «Научный потенциал Амги: вклад в интеллектуальный капитал» Амма улууһун учуонайдара уонна бииргэ үлэлэһэр дьоммут кыттыылаах төгүрүк остуол ыытылынна

Дьоһун тэрээһин улууспут баһылыга Степан Николаевич Кузьмин эҕэрдэтинэн саҕаланна.Амматтан төрүттээх наука эйгэтигэр ситиһиилээхтик үлэлиир дьоммутугар улуус махтал бэлиэтин үөрүүлээх түгэҥҥэ туттарда.

Сүрүн дакылааттарын билиһиннэрдилэр: Т.И. Иванова — Амма улууһун үөрэҕириитин, И.Ф. Иванов — култуураҕа, Д.И. Захарова — лицей, салайааччылара. Куйаар ситиминэн Санкт Петербургтан биир дойдулаахпыт А.А. Петров учуонайдар инники бииргэ үлэлэһиилэригэр санаатын үллэһиннэ. Салгыы учуонайдарбыт А.В. Жожиков, М.М. Нохсорова, И.А. Фёдоров уо.д.а. тустаах научнай үлэлэрин кэпсээтилэр. Түмүккэ төгүрүк остуол кыттыылаахтара резолюция ылыннылар. Амматааҕы киин библиотека «Её величество Наука» кинигэ быыстапката үгүс дьон сэҥээриитин ылла.

Вероника Стручкова