Олунньу 17 күнүгэр, Ф. Потапов аатынан Амматааҕы култуура киинигэр «БИЭС» өй билии күрэҕэ нэһилиэктэр икки ардыларыгар «Төрөөбүт тыл, сурук-бичик» иитинэн дьоһун тэрээһин ыытылынна

Быйыл 11 олохтоох түөлбэлэр күөн көрүстүлэр.

Алта түһүмэхтээх:

1. Бэйэни билиһиннэрии.

2. Сомоҕо домоҕу быһаар.

3. Кинигэ холбуката.

4. Түмэл кистэлэҥэ.

5. Төрөөбүт дойдугун төһө билэҕин?

6. Дьаһалта ыйытар күрэстэргэ эгил тэгил киирсэннэр кыайыылаахтар билиннилэр.

Дьүүллүүр сүбэ биир санаанан үлэлээн түмүгэ маннык таҕыста:

«БИЭС» өй билии күрэх Муҥутуур кыайыылаах үрдүк аатын сүктэ — Соморсун олохтоох түөлбэтэ,

1 м. — Сулҕаччы,

2 м. — Мээндиги,

3 м. — Бөтүҥ таҕыстылар.

Тэрээһини иилээн саҕалаан тэрийэн ыытта Амма улууһун үөрэҕин методическай киинэ. Улуустааҕы киин библиотека, Амматааҕы түмэл бииргэ үлэлэстилэр.

Вероника Стручкова