«Саха тыла култуура эйгэтигэр»

Муус устар 14 күнүгэр, Аммаҕа Ийэ тыл пуорумун иитинэн улуустааҕы түмэлгэ «Саха тыла култуура эйгэтигэр» түһүлгэҕэ сэргэх тэрээһин ыытылынна. Спикердарынан үлэлээтилэр: Анисия Иевлева — Арассыыйа суруналыыстарын сойууһун чилиэнэ, СӨ бэчээтин, СӨ үөрэҕириитин туйгуна, Национальнай бибилэтиэкэтин үлэһитэ, саха тылын тарҕатар «ҺӨҔҮҤ» хамсааһыны сүрүннээччи, Милена Борисова — СӨ култууратын туйгуна, СӨ ырыа ааптардарын сойууһун чилиэнэ, Татьяна Степанова — Саха НВК «Тэтим» радио редактора уонна Талбан санаатын, сүбэтин үллэһиннэ. Култуура эйгэтиттэн бибилэтиэкэ, түмэл,кулууп үлэһиттэрэ,барыта 62 киһи көхтөөх кыттыыны ыллылар. Ийэ тылбыт сүппэтин туһугар туруулаһыы, үгүс кэскиллээх анал бырайыактар,инники сайдар саҕахтар туһунан киэҥ хабааннаах кэпсэтии таҕыста.

Вероника Стручкова