Алтынньы 12 күнүгэр Ф. Потапов аатынан норуот айымньытын киинигэр биир дойдулаахпыт, СӨ норуотун хаһаайыстыбатын үтүөлээх үлэһитэ, Судаарыстыбаннай уонна государственнай диэйэтэл, СӨ суруйааччыларын союһун чилиэнэ,Алампа аатынан бириэмийэ лауреата, Амма, Үөһээ Бүлүү, Томпо улуустарын, уонна Сулҕаччы, Соморсун нэһилиэктэрин бочуоттаах олохтооҕо Дмитрий Федосеевич Наумовы — Миитэрэй Наумов «СӨ норуодунай суруйааччыта» үрдүк ааты сүкпүтүн бэлиэтиир чиэстээһинэ буолла. Уруйдуур айхаллыыр күҥҥэ кыттыыны ыллылар: О.Г. Сидоров — Саха сирин суруйааччыларын Ассоциациятын бэрэссэдээтэлэ, суруйааччы, журналист, С.В. Гольдерова — Саргы Куо — Россия суруйааччыларын союһун чилиэнэ, Л.Е. Горохова — Сүүмэх — Норуоттар икки ардыларынааҕы уонна СӨ суруйааччыларын союһун чилиэнэ, нэһилиэк баһылыктара, тэрилтэ салайааччылара, Амма улууһун дьоно сэргэтэ.
Тэрээһини ыытта киин библиотека кыраайы үөрэтэр салаатын сүрүн библиотекара Вероника Ивановна Стручкова.
