«Библионочь- 2026»

Муус устар 24 күнүгэр Амматааҕы Күннүк Уурастыырап аатынан киин библиотека Бүтүн Россиятааҕы акцияҕа кыттыһан Амма нэһилиэгин олохтоохторугар «Библионочь- 2026» ыыттылар. Бу күн икки чаастан «Кыайыы дьыктаанын» суруйтардыбыт, ааҕар сааланы толору киһи кэлэн суруйда, дьыктаан 25 боппуруостаах. Тэрээһин аһыллытыгар кииннэммит библиотечнай ситим директора Прокопьев П.Е. акция туһунан билиһиннэрдэ, сүрүннээн туох тэрээһиннэр күүтэллэрин билиһиннэрдэ. Акция волонтердарыгар, тэрээһини киэргэппит «Родные просторы» ырыа ансаабылыгар «Махтал суруктарын» туттарда. Бу киэһээ биэс маастар кылаастар ыытылыннылар, Россияҕа норуоттар сомоҕолоһууларын сылынан омук таҥастарын билиһиннэрэр куукулалар выставкалара тэрилиннэ, оскуола оҕолоругар «Я люблю тебя, Россия» диэн квиз оонньуу ыытылынна, манна Амматааҕы лицей уонна 2 — ис #—аах оскуола үөрэнээччилэрэ кытыннылар. Аан дойду омуктарын таҥаһын кэтэн түспүт хаартыскаларынан конкурус тэрилиннэ. Ону таһынан «Бэргэн ытааччы» (дартс) күрэххэ ыалдьыттарбыт күрэхтэстилэр. Бу киэһэ аҕыйах ахсааннаах омуктар Амматааҕы ассоциациялара кыттыыны ыллылар. Ону таһынан, иһирдьэнэн- таһырдьанан Амма урбаанньыттара минньигэс астара хото атыыланна. Маны таһынан фотозоналар тэрилиннилэр. Бука бары тэрээһиммитигэр көхтөөх кыттыыны ылбыт Аммабыт олохтоохторугар истиҥ махталбытын биллэрэбит. Биһиги библиотекабыт аана өрүү аһаҕас, куруук ааҕааччыларбытын үөрэ көрсөбүт.