Убаастабыллаах Александра Семеновна 95 сааскын туолбуккунан!
Эйигин 95 сааскын туолар кэрэ-бэлиэ күҥҥүнэн итиитик – истиҥник эҕэрдэлиибит! Үтүө – мааны киһибитигэр үбүлүөйдээх күҥҥүнэн эҕэрдэ бастыҥын этэбит, алгыс тыл айхалын аныыбыт!
Кыһыҥҥы тымныы хаайбатын, сааскы дьыбар хаарыйбатын, сайыҥҥы куйаас амньыраппатын, күһүҥҥү ардах салгыппатын! Баҕарабыт кырдал сир эниэтигэр үүммүт чиргэл титирик курдук бөҕө туруктаах чэгиэн – чэбдик доруобуйаны, саҥа тыллар ньургуһун сибэкки силиһин тардынан, күн диэки дьулуурдаахтык талаһан үүнэрин курдук ахсаабат дьулууру, саха алааһын аҥаарыйар киэҥин курдук дэлэгэй санааны, олоҥхо дойдутугар ойууланар оһуордаах – бичиктээх, уохтаах кымыс өрө кыынньарын курдук уйгу– быйаҥ тыыннаах, уһун, дьоллоох олоҕу!
Аймах дьонуҥ ытыктабылын ылан, билэр дьонуҥ биһирэбилин истэн, ыччатыҥ сылаас тапталын, сиэннэриҥ минньигэс мичээрин иҥэрэн, санааҥ сандаардын, үйэҥ уһаатын!