Төгүрүк остуол «Харчы. Көҥүл»

Ыам ыйын 14 күнүгэр, Арчы дьиэтигэр оскуоланы бүтэрээччилэргэ аналлаах О.П. Иванова — Сидоркевич аатынан эбии үөрэхтээһин киинин көҕүлээһининэн тэрээһин ыытылынна. Олох киэҥ аартыгар үктэнэр кэмнэригэр төрөөбүт дойдуларыттан тэйэн сыыһа — халты дьайыыларга киирэн биэрбэккэ, бэйэ суолун булунарга туһаайар сүбэ көрсүһүүгэ кытыннылар: М.Е. Дмитриева — Дьокуускайдааҕы т/х техникумун эбии үөрэхтээһин педагога, Н.Н. Пухов — Ф. Потапов аатынан Култуура киинин салайааччыта, Полиция ст. инспектора — майор Л.Н. Никифорова, В.И. Стручкова — Амма киин бибилэтиэкэтин кыраайы үөрэтэр салаа кыл. бибилэтиэкэрэ, урбаанньыттар, Айыы сиэрин тарҕатааччылар. Төгүрүк остуолга «Харчы. Көҥүл» туһунан аһаҕас кэпсэтиигэ олоххо буолбут түбэлтэлэргэ санаа атастаһыыта, оҕолорго алгыс үтүөтэ, сүмэлээх сүбэлэр этилиннилэр.

Вероника Стручкова