«Ночь в музее»

Ыам ыйын 15 күнүгэр, Короленко аатынан 1№ Амма орто оскуолатыгар «Ночь в музее» чэрчитинэн оскуоланы бүтэрээччилэргэ ананар, сыллата ыытыллар үтүө үгэскэ олоҕурбут дьоһун тэрээһин буолан ааста. Оҕолорго сахалыы сиэринэн арчыланан, алгыстанан, өйү санааны үтүөҕэ салайан, бэйэҕэ эрэллээх буолуу тыынын иҥэрэн маршрутнай станцияларынан «Алгыс баһа сыаланнын», «Ырыалаах кырдал», «Таптал долгунугар уйдаран», «Олоҥхо алыптаах дойдутугар», «Сахалыы остуол оонньуулара» ыытылыннылар. Тэрээһин сүрүн сыалынан буолар — сырдык, ыраас, үтүө күүс суолтатын өйдөтүү, үүнэр көлүөнэ ыччаттары олоххо бэлэмнээһин.

Саастаах көлүөнэ дьон сүмэлээх сүбэлэрин,ымыылаах алгыстарын анаатылар.

Вероника Стручкова