Бэлиэ күн

Ытыктабыллаах Саргылаана Васильевна!

Бүгүн эйиэхэ ураты, сырдык күн — төрөөбүт күнүн үүннэ! Бу күн ааҕааччыларгар, литератураны таптааччыларга эрэ буолбакка, сахабыт тыла сайдарын туһугар туруулаһар дьоҥҥо барыбытыгар улахан суолталаах. Эн айымньыларыҥ биһиги олохпутун байытар, санаабытын сааһылыыр уонна инникибитин ырыҥалыыр кыаҕы биэрэр.

Эн хас биирдии кинигэҥ, хоһоонуҥ — бу ааспыт кэм кэрчиктэрэ, бүгүҥҥү олохпут сиэркилэтэ уонна сарсыҥҥыбыт былаана. Эн талааныҥ көмөтүнэн биһиги төрөөбүт тылбыт кэрэтин, баайын-дуолун өссө төгүл итэҕэйэбит. Эн суруйууларгынан ааҕааччы уйулҕатын таарыйаҕын, киһи ис дууһатыгар баар кистэлэҥ иэйиилэри уһугуннараҕын. Ол иһин да буолуо, эн ааккын ааттаатахпытына, кинигэҥ илиистэрин арыйталаатахпытына, сүрэхпитигэр сылаас, истиҥ иэйии үөскүүр.

Төрөөбүт күҥҥүнэн эҕэрдэлээн туран, биһиги Эйиэхэ чэгиэн-чэбдик доруобуйаны, уостубат уохтаах эрчими, айар үлэҕэр муҥура суох табыллыыны баҕарабыт. Айар куттаах киһиэхэ саамай күндүтэ — саҥа идеялар, умнуллубат сюжеттар уонна өрүү аттыгар илдьэ сылдьар Музаҥ буолар. Кини мэлдьи эйигин кытта аргыстаһа сырыттын, санааҕын көтөхтүн,  айаргар күүс-көмө буоллун.

Саха литературатын киэҥ киэлитигэр эн суолгун-иискин хаалларыы — улахан эппиэтинэс. Ону чиэстээхтик толорон, өссө да элбэх чаҕылхай айымньылары бар дьоҥҥор бэлэхтии тураргар баҕарабыт. Ааҕааччыларгын үөрдэ-көтүтэ, саҥаттан-саҥа үрдэллэргэ дабайа тур!

Уруй-айхал буоллун! Дьолу-соргуну, этэҥҥэ буолууну!