ЭҔЭРДЭ!

Убаастабыллаах Клара Афанасьевна!

Ис сүрэхпититтэн эйигин улуус биир ытыктанар, тумус туттар нэһилиэгин – Амма улууһун Абаҕатын Бочуоттаах гражданина үрдүк ааты сүгүүгүнэн итиитик-истиҥник эҕэрдэлиибит! Бу наҕараада эн сыралаах үлэҥ, төрөөбүт дойдугар бэриниилээх буолууҥ, дьон-норуот туһугар оҥорбут өҥөҥ үрдүктүк сыаналаммытын туоһулуур.

Эн олоххун-дьаһаххын, үлэни-хамнаһы тэрийэр сатабылгын, салайар дьоҕургун көрдөхпүтүнэ, бука бары киэн туттабыт. Эн баар буолаҥҥын, биһиги нэһилиэкпит сайдар суолга киирэн, инники диэки эрэллээхтик хардыылыыр. Эн холобуруҥ эдэр көлүөнэҕэ, ыччакка дойдутун таптыырга, кини чэлгийэ сайдарын туһугар эппиэтинэстээхтик сыһыаннаһарга үтүө холобур буолар. Эн дьиҥ-чахчы норуоккун, бар дьоҥҥун өрө тутан, кинилэр кыһалҕаларын быһаарыыга күүскүн-кыаххын харыстаабакка үлэлээбитиҥ үйэлэргэ умнуллубат.

Бу үөрүүлээх күн Эйиэхэ анаан саамай истиҥ тыллары аныыбыт: чэгиэн доруобуйаны, уҕараабат эрчими, уһун дьоллоох олоҕу баҕарабыт. Инникитин даҕаны айымньылаах үлэҥ ситиһиилэринэн, дьиэ кэргэниҥ тапталынан, оҕолоруҥ, сиэннэриҥ ситиһиилэринэн угуттана турдун. Иккис дойдугунан буолбут Абаҕа нэһилиэгэ өссө да үүнэ-сайда, чэчирии турарыгар салгыы көмөлөһө, сүбэ-ама буола сырыт.

Үрдүк наҕараадаҕынан өссө төгүл эҕэрдэлиибит! Саха саргыта салалыннын, Абаҕа алгыһа арылыннын!