Үрүҥ тунах Ыһыаҕынан!

Күндү биир дойдулаахтарбыт, бар дьоммут-сэргэбит!

Самаан сайыммыт силигилээн кэлбит, айылҕабыт чэлгийэ тыллыбыт, от-мас көҕөрбүт, кэҕэ этэн чоргуйбут кэрэ кэмигэр, үрүҥ тунах ыһыахпыт үүнэн-тэнийэн кэлбитинэн итиитик-истиҥник эҕэрдэлиибит!

Ыһыах – бу биһиги саха омук быһыытынан уратыбыт, өбүгэлэрбититтэн ситимнээх ытык үгэспит, түмсүү уонна сомоҕолоһуу бырааһынньыга. Бу күн Айыы Тойон таҥарабыт аартыга арыллар, Айыылар сиргэ чугаһыыллар, алгыс баһа сыаланар. Ытык сэргэни тула хороҕор муостаахпытын, сыспай сиэллээхпитин хомуйан, аал уоппутун оттон, Үрдүк Айыыларбытыттан, Ийэ айылҕабытыттан уйгу-быйаҥ, чэгиэн-чэбдик доруобуйа, эйэлээх-иллээх олоҕу көрдөһөбүт.

Саха киһитэ буоларбытынан, биһиги бу күн сахалыы таҥнан-симэнэн, симэхтэрин иилинэн, илии-илииттэн сиэттиһэн, оһуохай үҥкүүтүн оройуттан тутан, эргийэбит. Оһуохайбыт этиитэ – бу аан дойдуну, олоҕу хоһуйуу, дьону-сэргэни түмүү. Кымыс иһиитин сиэрэ-туома, атах оонньуулара, хапсаҕай, мас тардыһыыта – барыта өбүгэлэрбит күүстэрин-уохтарын, сымсаларын, тулуурдарын кэрэһилииллэр.

Күндү доҕоттор! Бу үтүө күҥҥэ эһиэхэ барыгытыгар баҕарабыт:

• Уйгулаах олоҕу, хас биирдии дьиэ кэргэҥҥитигэр ил-эйэ эрэ эҥэрдэстин.
• Чөл туругу, эт-хаан чиргэл, өй-санаа чөл буоллун.
• Үтүө санааны, бары саҕалааһыннаргытыгар ситиһиини, дьолу-соргуну.

Ытык ыһыах алгыстаах тыына эһигини сылы быһа арыаллаатын, санааҕытын кынаттаатын, инникигитин сырдаттын. Аал уоккут аһаҕас, тэлгэһэҕит киэҥ буоллун! Уруй-тускул! Айхал-мичил!