Муона чараҥар Үрүҥ тунах ыһыах

Бэс ыйын 21 күнүгэр, Муона чараҥар Үрүҥ тунах ыһыах иитинэн саха балаҕаныгар Ийэ тыл эйгэтин түһүлгэтэ тэрилиннэ. Дьоро күн ыалдьыттарын, кыттааччыларын саламанан симэммит саха балаҕана ахтыбыттыы көрүстэ. Айыы Айыллыы быыстапка, куораттан Туйаара Хоноёхова — цифровой худуоһунньук үлэлэрин, киин бибилэтиэкэ бэйиэт Семен Капитонов 75 сааһынар анаан «Мин дьолум — бар дьонум» быыстапкалара дьон болҕомтотун тарта. «Ийэ тыл» түмсүү уонна киин бибилэтиэкэ оҕолорго уруһуй нөҥүө саха итэҕэлин тиэрдии, уруһуйга уһуйуу (бэлэм ойууну дьүһүннээһин), төрүт хабылык, тыксаан күрэҕин, «Кырдьыга даҕаны кэрэ дойдулаах эбиппин» С. Капитонов хоһооннорун дорҕоонноохтук ааҕыыны ыыттылар. Төрүт оонньууларга, хоһоон ааҕыытыгар кыттыбыт дьон бириистэри, махтал туоһу суруктары тутан, Туйаара Стручковалыын, сиэр туом алгысчыта Түөйэ Кыыһа Хардайа Чэлгиэрийэлиин аһаҕас кэпсэтиигэ кыттан, дуоһуйан, махтанан тарҕастылар.

Вероника Стручкова