Бэс ыйын 25 күнүгэр, Соморсун нэһилиэгин уйгулаах ыһыаҕар Россия, Саха сирин суруйааччыларын сойууһун чилиэнэ, СӨ култууратын үтүөлээх үлэһитэ, бэйиэт Семён Капитонов 75 сааһын бэлиэтиир дьоһун дьоллоох күнэ тосхойдо

Бэйиэт хоһоонноругар өрөспүүбүлүкэтээҕи ырыа айааччылар күөн күрэстэрэ, «Мин аналым — Аммаҕа таптал» улуустааҕы ыччаттарга аналлаах литературнай квест — күрэх В.М. Новиков-Күннүк Уурастыырап аатынан улуустааҕы кииннэммит бибилэтиэкэ тэрийиитинэн буолла. «Айар абылаҥ» литературнай түмсүү чилиэннэрэ Д.Е. Васильева — Амма Даайыс, Наталия Рязанская, Т.П. Семенова — Татыйаас, М.А. Харитонова Семён Капитоновка анабыл хоһооннорун ааҕан истиҥ эҕэрдэлэрин, сэмэй бэлэхтэрин туттардылар. Ийэтигэр тэҥнээх кэрэ Аммалаах, үҥкүүлүүр үрүҥ түүннээх, сайыны түүһүүр хатыҥнардаах, үйэ —  саас тухары үүнэр сардааналаах, бар дьонун тапталын — махталын ылыан ылбыт лиирик бэйиэт Семён Капитонов биһирэмнээх күнэ иһирэхтик бэлиэтэннэ.

Вероника Стручкова