Семен Спиридонович Капитонов 75 сааһын көрсө анабыл хоһооннор
Авторская орфография и пунктуация опубликованы без изменений
Семен Спиридонович Капитонов
Хоһоон доҕордоох,
Ырыа аргыстаах
Кыыс Аммаҕа,
Күн сирин көрөн
Өр кэмнэргэ ыллана,
Хатыҥнардаах чараҥмар,
Өй дуораан буолан иһиллэрэ.
Эдэр эрчимнээх,
Оҕотук сананан,
Истиҥ иэйиитигэр ыллара,
“Тапталын чараҥар”
Умустахпыан, дуоһуйа.
Ыллаан, туойан
Уһун айаммар,
Өрүү, аргыс буолаҕын
Киэҥ туттар убайбыт
Семен Спиридонович Капитонов
Прохоров Владимир – Сахаан, Эмис нэһилиэгэ 2026 сыл.
Поэт Семен Капитоновка
Саха сирин биир бастыҥ хоһууна
Кыыс Амма ырыа куттаах чулуута
Эн оҕолуу тапталгынан хоһуйбут
Алыптаах хоһоонноргор уйдаран
Хатыҥнар сайыны түстүүлэр
Үҥкүлүүр үрүҥ түүннэри кытта
Ньургуһун буолан кыайыыга
Эрэллээх санаалар тыллаҥныыллар
Алгыстаах айымньыларын
Араҥаччылыы сырыттыннар
Саха саргыта салалларын туһугар
Сырдыкка – кэрэҕэ угуйа турдуннар!
Татьяна Петровна Севастьянова, Чапчылҕан нэһилиэгэ 2026 сыл.
Семен Капитонов 75 сааһыгар анабыл xoһooн.
Убаастыыр убайбыт Сэмэммит!
Айар аартыкка ахсым атынан
Хорсуннук киирбитин сиэллэрэн!
Хоһоон айааччылар хонууларыгар
Сиэдэрэй былааххын аспытын күөрэччи!
Айбытын элбэҕи,
Айымньы эгэлгэтин-
Хоһоону, кэпсээни
Очерка, ахтыылар…
Ол эрэн астынар норуотун —
Симик, килбик, таптал тыллар
Нарын иэйиилээх хоһоонноргун,
Аммаҕын туойбут поэзияҕын!
Көтүппүтэ эйиигин
Имэҥнээх ырайга Тырымнайын,
Санньыар санаа кууспута
“Мин доҕоттордоох этим” кэпсээнтэн.
Түөспүнэн толору тыынаммын билэбин,
Дойдум ахтылҕанын ыймахтыыбын
Дойдубут Аммабыт туһунан айбыт
Аптаах хоһоонноргун ааҕаммыт…
Суду талаанҥҥар сүгүрүйэбит!
Сүүс да сыллар аастыннар!
Уостан түспэт хоһооннорун
Дьон — сэргэ таптаан ааҕыа — ыллыа!!!
Семен Капитоновка анабыл хоһоон
Сэттэ уон биэс саас…
Ситэрсэн — эккирэтиһэн
Силлиэ — буурҕа быыһынан
Ситэн, тиийэн кэллилэр.
Ол эрэн! — отой эдэрдии эрчимнин
Эйэргии — сонургуу истэргин,
Көрөммүт биһиги сөҕөбүт,
Үтүө холобур оҥостобут.
Сааскар баттатан санньыйан,
Хомойон — хоргутан турбакка.
Эдэрдии санааҕа уйдаран
Айа — тута сырыттаргын…
Муза сипсийэр кэмнэрэ-
Өлбөт — уостубат тиһигэ,
Хатыланан кэлэ турдун
Саҥа хоһоон, поэма буолаары…
Туту элбэҕи этиэхпитий?
Дьоллоохпут бэйиэттиин
Биир салгынынан тыынарбытынан!
Соморсун дьоллоох туонатыгар
Айар куттаах дьоммут ортотугар —
Улаатан — уунэн ийэрбитинэн!!!
25.06.2026
Арыылаахтар сиэннэрэ
Сэмэн Хаппытыанап «Эн — Саха Чулуу уолаҕын!»
Автор Александрова Регина
Сэргэ-Бэс бөһүөлэгэ
Үрдүк Айыылартан айыллан
Бу Орто бараан дойдуга
Күөх окко күөлэһийэн түспүтүн
Күн сирин көрбүтүн.
Эн бэйиэт буолар айылгын
Ыйыллыбыта үөһэттэн,
Эн өбүгэлэрин араҥаччылаан
Кэлэн тураҕын Бу өрөгөй күҥҥэр.
Норуоккар элбэх сиэдэрэй
Ис номодон тыллардаах хоһооннору айан
Улуу дьон убаайдарын биһирэбиллэрин
Ылыаххын ыллын, аатырыаххын аатырдын.
Ол буолар, Киһиэхэ Дьол, Таптал, Ытыктабыл!
Суһумнуур БЭЛИЭТЭ
Киһи КИЛБИЭНЭ.
Эн сырдык, ыраас
Аанньаллыы санаан,
Эн өйүн, дууһан
Уйан кыла
Хоһоонноргор тиһиллэн,
Айымньыларгар хоһуллан,
Үйэлэртэн үйэҕэ,
Көлүөнэттэн көлүөнэҕэ,
Иһирэх иэйиинэн сыдьаайан
Сана саҕахтарга,
Үрдүк үрдэллэргэ,
Угуйа, кынаттыы туруохтара.
Эн суруйбут таптал истиҥ тыллардаах
Дойдун, Амман кэрэ көстүүтүн,
Кыыс, дьахтар кэрэ сэбэрэтин
Киһи дууһатын кылын таарыйар, уйадытар.
Араас дьикти ис хоһооннордоох,
Бииртэн биир кэрэ тыллардаах,
Иһирэх хоһоонноргун
Уйэтитэн таһаардаҕын.
Эчи кэрэтиин, элбэдин, учугэйиэн
Көрүөххэ, ааҕыахха, истиэххэ кэрэтиэн.
Өссө да айымньылаахтык
Кыһыл көмүс бөрүөккүн
Ыһыктыбакка
Өрүү сайда үүнэ тур,
Айа-тута сырыт!
Эн — Саха биир чулуу
Тарбахха баттанар
Бэйиэтэ…
2026 сыл, бэс ыйын 19 күнэ.