«Сырдыгынан сыдьаайан ааспыт олох» саҥа кинигэ сүрэхтэниитэ

Бу дьыл алтынньы 6 күнүгэр, Амма эргиэнин дьиэтигэр «Сырдыгынан сыдьаайан ааспыт олох» саҥа кинигэ сүрэхтэниитэ ыытылынна. Кинигэҕэ Людмила Еремеевна, Олег Евсеевич Куприяновтар тапталлаах оҕолоро Еремей Олегович кылгас, чаҕылхай, үйэлэргэ умнуллубат олоҕо кэпсэнэр. Төрөппүттэрин, аймах билэ дьонун, чугас доҕотторун, үөрэммит, үлэлээбит үөлээннээхтэрин ахтыылара, олоҕун кэрэһэлиир хаартыскалара киирдилэр. Еремей, Ерёма туһунан ийэтэ Л.Е. Куприянова, таайа Р.Е. Федотов, аҕатын эдьиийэ Е.Е. Пахомова, доҕотторо, кэллиэгэлэрэ В.В. Колосов, Д.А. Юшков, Н.А. Ксенофонтов, А.С.Стручков, Д.А. Дьячковскай уо.д.а. иһирэхтик ахтан санаан аастылар. Еремей Куприянов сирдээҕи олоҕо кылгас да буоллар дьоҥҥо үтүө өйдөбүлү хаалларан, олоҕо салҕанар оҕотунан, чугас дьонун ахтылҕанынан…

Вероника Стручкова