Алтынньы 29 күнүгэр, 2022с. Күннүк Уурастыырап аатынан киин библиотекаҕа өрөспүүбүлүкэҕэ «Ийэ күнүн декадатын»чэрчитинэн төгүрүк остуолга Амма улууһун автоледи ийэлэрэ кытыннылар. Бастатан туран Украинаҕа ыытыллар анал эпэрээссийэҕэ кытта сылдьар уолаттарбытыгар көмөлөһөр үтүө сыаллаах аахсыйаларга кыттыһан алгыстаах санаанан,сылаас илиинэн тигиллибит суумкалары эминэн толорон, ичигэс наскылары түмэн өрөспүүбүлүкэтээҕи киин штабка туттарбыттарын туһунан иһитиннэрии оҥордо М.Е. Дмитриева — Амма дьахталларын сэбиэтин бэрэссэдээтэлэ.Салгыы суоппар күнүнэн тракторист, ветеран суоппардары Ксения Пестерованы, Марфа Харитонованы, Лариса Пахомованы эҕэрдэлээн махтал суруктары туттарда «Автоледи» салайааччыта Н.И. Шишигина. Истиҥ кэпсэтии, ааспыт кэмнэри ахтыы, инники үлэ былааннарын туһунан билсиһии буолла. Түмүккэ бу сайын Горнай улууһугар ыытыллыбыт автоледи фестивалыгар ситиһиилээхтик улууспут чиэһин көмүскээбит ийэлэри,кыргыттары чиэстээтилэр.Тэрээһини салайан ыытта В.И. Стручкова — киин библиотека кыраайы үөрэтэр салаа сүрүн библиотекара.
