Республикаҕа Доруобуйа сылын чэрчитинэн улуустааҕы Күннүк Уурастыырап аатынан киин библиотека кыраайы үөрэтэр салаата ZOOM площадка нөҥүө, олунньу 5 күнүгэр «Доруобуйа — бу дьол » диэн көрсүһүү ыытта.
Манна Амма эмтээх отторун, айылҕатын, эмчит, отоһут, айдарыылаах дьоммут Е. П. Васильева — Эбээ Өлөөнө, М. Е. Петрова кинигэлэрин, хаалыктаах хаамыы доруобуйаны бөҕөргөтөр, чэбдигирдэр туһатын тула санааны этии, саха төрүт астара олоххо,
доруобуйаҕа туох үтүө түмүгү көрдөрбүттэрин кэпсээтилэр.
Кыттыыны ыллылар Киренская Александра Николаевна — Амматааҕы «Эдэр натуралистар станцияларын» производственнай маастара, общественнай эколог, Слепцова Антонина Петровна — Амматааҕы СЮН эбии үөрэхтээһин педагога, Мартынова Галина Кимовна — Амма Наахара «Дуораанчык» оҕо уһуйаанын методист иитээччитэ. Биэриини ыытта отдел сүрүн библиотекара Вероника Ивановна Стручкова.
