РФ Бэрэсидьиэнэ В.В.Путин Ыйааҕынан биллэриллибит РФ норуоттарын култуурнай нэһилиэстибэлэрин Сылын чэрчитинэн, Саха АССР төрүттэммитэ 100 сылынан, Олоҥхо национальнай күнүгэр аналлаах Өрөспүүбүлүкэтээҕи Декада чэрчитинэн ийэ тыл баайын иҥэриммит олоңхо тылын-өһүн таба суруйар үөрүйэ5и олохсутар — иҥэрэр, итиэннэ олоҥхо ис хоһоонун билиһиннэрэр сыаллаах “Олоҥхо дьыктаана”аахсыйа Амматаа5ы В.М. Новиков — Күннүк Уурастыырап аатынан киин библиотекатыгар сэтинньи 25 күнүгэр буолла.
Бу аахсыйа сыала соруга:
— олоңхо тылын билиини чиңэтии
— олоңхо тылын -өһүн иңэринии
-сахалыы таба суруйуу.
Дьыктааны кыраайы үөрэтэр салаа сүрүн библиотекара Вероника Ивановна Стручкова аахта. Ааҕыллар тиэкис П.А. Ойуунускай “Дьулуруйар Ньургун Боотур” олоҥхотуттан быһа тардыы. Дьыктааны киин библиотека көхтөөх ааҕааччылара суруйдулар.
Кэлэн кыттыыны ылбыт ааҕааччыларбытыгар барыларыгар туоһу сурук туттардыбыт.
